وايد أسباب تخليني أنزل هالبوست .. منها أني
مستانسه ومنها انه ناس فـ بالي وحبيت أني اذكرها
قلم جاف قال في آخر بوست .. ما اعرف ليش كتبت هالبوست .. بس اللي اعرفه اني ابغي
اكتب
انا اليوم بقول شراته .. اني بس ابغي اكتب .. هاي مدونتي .. اريد اطلع كل اللي في خاطري فيها
و bin3li يقول .. اكتب اللي انته تباه .. هاي مساحتك الخاصه .. قول اللي في خاطرك
اليوم كان بالنسبه لي يوم وااااااايد متعب
كان عندي امتحان math في كلاس الظهر اللي يبدا 3:30 ويخلص 6:30
بس خلصت قبل لا يخلص الكلاس بساعه .. وما شيء فايده ارد البيت لانه كان عندي كلاس عقبه
من 6:30 لين 9:30
استانست في كلاس المسا .. لانه الدكتور عطانا نتايج الـ research paper
ويبت فيه B
بالنسبه لي كـ طالبه سنه اولى واااااااايد زين
السبب الثاني اللي يخليني اكتب البوست
كنت يالسه اتعشى ويا الوالده .. وفتحنا سالفة السفر .. قلتلها اول مره في حياتي احس اني انجزت شيء
اللي من الامارات اكيد يعرفون سالفة التقارير
الطبيه وكيف اجراءات دايرة الصحه عندنا وكم يبالها مراكض
كنت اعتبر عمري وايد صغيره على هالسوالف .. وكنت دايما اقول انا مب قدها واتحرطم
ليش حطوا هالمسؤوليه على راسي .. بس الحمدالله طلعت قدها وقدود .. وقدرت اطلع الموافقه
فـ كنت اقولها .. ما تعرفين شو احساسي .. احساس وايد حلو اني قدرت انجز شيء حتى
اللي اكبر عني ما يرومون والاحلى من كل هالسالفه اني ابدا ما دخلت الواسطه فيها ..
بس صدق تعبت لين ما خذت الموافقه
قالت لي هاي حقوقكم بس انتوا ما تعرفون كيف تاخذونها .. تتريون الحكومه تسوي لكم كل
شيء ع البراد وانتوا بس يلسوا في البيوت وحطوا ع الحكومه .. تذكرت رمست bin3li
ادري اني وايد طولت .. سوري .. بس يبالي اسير اذاكر الحينه
8 comments:
مبروك على النتيجه الطيبه فى الاختبار
والله تستاهلين الخيمه مثل ما كان يقول الدكتور لنا قلتله شنو يادكتور الخيمه
قال يعنى
A
.
.
بس الله يعينكم على المراجعات
بس اكيد انت قدها وقدود
.
.
.
الاجمل والاحلى فى البوست
.
.
.
العشاء مع الوالده
بس شنو العشاء
(:
وصل سلامى للولده
واما عن الكتابه
اكتب فقط
هذه الصفحه من ممتلكاتك
اكتب فقط
تحياتي لك للوالده
(:
بعد جبدااايتي والله انتي...:)
مبروووك حبي ومنها للأحسن ان شاء الله ودايما...:)
وبالعافيه يالغاليه....
لما تسوين شيء من تعبج وبدون واسطات تحسين صج بطعم ولذه السعاده...:)
موفقه...^__*
مبروووك
بس ما قلتيلي الجامعه متى تسكر اذا كانت المحاضره تخلص 9ونص
حنا خمس وننهبل
اصلا ما نحظرها
الله يوفقك في حياتك العلميه و العمليه
(كنا دايم نكتب كذا في الاوتوجرافات ايام المدرسه )
تستاهلين برج العرب مو خيمه الله يبعدك عن اهلها
اهم شي الله يخليلك الوالده و تبطلين تراكضين الله كريم انشاء الله
الحمدلله و منها للأعلى .. بالتوفيق يارب
و الله يخليلج الوالدة و يخليج لها ذخر و سند
:)
سلام
خيمه بيضاء تدل على الصفاء والطيبه
خيمه بيضاء تدل البساطه بعيدا عن الطبقيه
خيمه بيضاء تدل الحياه مشاركه
خيمه بيضاء تؤمن بالتعدد
خيمه بيضاء تحترم وجهة الطرف الاخرى
خيمه تحترم الاخرى مهما كان
دينه
لونه
جنسيته
مذهبه
تحترمه فقط لانه من بنى ادم
تحترم لانه انسان
له حقوق وعليه واجباب
خيمه بيضاء تحب الخير
خيمه بيضاء تعشق الابتسامه فى ذرة العاصفه
واخيرا وليس آخرا
.
.
.
.
خيمه بيضاء تحب السماحه وتقول
.
.
.
سامحكم الله
قلم جاف
ما ادري ليش كلمة خيمة تذكرني بـ رمضان
و انا وااااااايد احب جو الخيم في رمضان
وفعلا حرف A مثل الخيمه
وانشاء الله آخذ الـ A في الماده
تصدق عاد هالاسبوع على كثر ما كان متعب كنت مجبوره اني
اداوم لانه كله مراجعات .. صدق هلكت
كل يوم اقل يالله هانت هذا آخر اسبوع دوام
بس الله يعيني ع الفاينال
اما بخصوص العشا .. فـ حياك الله أقرب ويانا
انا كل يوم اتعشى مع الوالده
مسكينه هي اترياني لين ما ارد من الجامعه وتتعشى ويايه
وانشاء الله سلامك يوصل...
= = = = = = = =
Q8Tya
الله يبارك فيج حبيبتي .. بس توه الناس
صدقج والله .. احس انه تعبي ما راح ع الفاضي
تسملين حبيبتي ..
= = = = = = = =
نوره
الله يبارك فيج حبيبتي .. وعقبالج
حبيبتي نحنا نظام جامعتنا شويه غريب .. اول كلاس يبدا الساعه 9 الصبح
ويخلص 12 .. وعقبه شيء كلاس 12 لين 3
وعقب 3:30 لين 6:30 .. وآخر كلاس 6:30 لين 9:30
وعقبه خلاص تسكر الجامعه
عاد انا حظي معظم كلاساتي 6:30
بس تدرين متعه .. طول اليوم اكون فاضيه وما عندي شيء
اقل ما فيها ما انش من الصبح ;)
= = = = = = = =
@z3NaF
مشكوره حبيبتي .. والله يوفقك الجميع انشاء الله
برج العرب والا خيمه .. المهم الناس اللي تكون معايه فيه
اذا ناس احبها وتحبني .. فـ حتى لو كنا في خيمه بنكون متستانسين
= = = = = = = =
طائر بلا وطن
الله يوفقك الجميع انشاء الله
تسلم اخويه ع وجودك
ملاك
قلت برج العرب علشان تستوعبين اكثر
و طلعتي راعية خيام
ايه والله اهم شي الوناسه بنخيم بأجازة الحج انشاء الله و الطيران مولمه قبل الخيام
:)
Post a Comment