السلام عليكم
اسمحولي ادري اني قطعت فتره وايد طويلة .. بس صدق كنت أمر بـ ضروف وايد صعبه
وصدق نفسيتي وايد كانت زفته .. بس الحمدالله الحينه اهون
البارحه عشان نغير جو سرنا East Coast
مكان صدق روعة وشرح
ما كنت متحمسه للسيرة .. بس صدق استانست يوم سرت .. بخليكم ويا الصور
ترى كل الصور بسرعة مصورتنهن لانهم حاشريني نسير نلعب سياكل .. بس للأسف فشلت
لاني في حياتي كلها ما جد لعبت .. تميت نص ساعة أحاول اتوازن بس ما قدرت
بس الحمدالله اني لا طحت ولا تعورت
click on the picture to see in
the original size
8 comments:
ايه نتي من زمان قاطعه ولا كتبتي شي
بس الصور حلوه والله
اتذكر سنغفورا كانت حلوه مره وتستغربين انه دوله بهالصغر يطلع منها كل هذا
الحمدالله على السلامه
زين ابتسمتى ياملاك
الله واكبر على الصور
حلوه حييييييييييييل
انشالله دايمن مستانه
(:
norah
والله صدقج انا يوم اشوف سنغافوره في الخريطه صغيره .. بس غريبه انه فيها هالاماكن كلها
والغريب اصلا في السالفه اني بكمل فيها سنه وتوني الا اسير البحر عندهم
ما ادري ليش .. بس آخر دوله افكر اني اسيرلها سياحه سنغافوره
لاني عفتها من الخاطر
بس عشان الوالده احاول هالكمن يوم ادور اماكن سياحيه عشان تغير جو
لانه حتى هي عقب ما ردينا كانت صدق واااااايد مستانسه
qalm-jaf
الله يسلمك :)
يبالك تشوفني ابتسامتي يوم قلت زين ابتسمتي ملاك
صدق استانست
تدري .. الدنيا يوم فرح ويوم حزن
اشوف اني اعيش الثنتين بكل لحظاتهم احسن
احس بمعنى الحياه
مب دايما تعطيك الدنيا اللي تريده
ومثل ما يقولون تحمل الحزن لانه ما يدوم
واستمتع بالفرح لانه بعد ما يدوم
يسعدني فعلا تواجدكم ويايه
ملاكـ
الصور روعه وخيال وانتي اخذتها مستعجله
اجل لو اخذتيها على مهلك كيف بتكون
سلمتي عزيزتي
lovely photos =)
ويسعدنى بان تكونى مبتسمه ومؤمنه
(:
صدقينى اختى على كثر ما تبتسمين راح تبتسم الوالده
انشالله
تحيه من كويت السلام الى اختى ملاك دبى ووالدتها
(:
حنين
تدرين .. شكلي بسير مره ثانيه بس عشان أتم أصور
وبالمره بودي الوالده لانه يعيبها البحر
= = = = = = = =
devil cat
شكرا للتواجد
= = = = = = = =
qalm-jaf
صح دايما الام تفرح بفرح عيالها
ولاحظت هالشيء ع الوالده يوم تشوفني تعبانه والا مهمومه
من الضغط اللي عليه اهنه .. اتم تحاتيني
بس صدق تفرح يوم تشوفني افرح
صح وااااااااااايد استانست يوم سرنا البحر
بس بعد مستحيل انسى اللي سويته في عمري
لين الحينه ريلي معلمه بالازرق مكان الضربات اللي يتني من السيكل
توبه حياتي كلها ما ارد اعيد هالتجربه
بسيطة وحلوة. أنا أفكر في بداية آخر بلوق أو خمسة في وقت قريب جدا ، وسوف تنظر في هذا الموضوع بالتأكيد. م تبقي 'القادمة!
Post a Comment