عاصفة الحب

عاصـــفة عواطف هبت من حزيرة الحــــب.. محـــملة برياح الشـــوق.. دمـــرت مديـــنة الانتظــــار.. معلنـــة حالـــة طوارئ بنفــــاذ الصبـــر.. بات سكانهـــــا فـ حيــــــرة وألـــــم.. احســــاس بالحرمــــان يغمــــر طرقــــات تلك المدينــــــة.. تآكلــــت قواعدهـــــا بعجر وضعــــف سكانهــــا.. فـ إلـــى أيــــن المضــــي ؟

.

.

.

أنتـــــه ..ســـــــراب

الجزء الأول


في بيت أم سالم


نورة توها يايه من الدوام: السلام عليج أمايه
أم سالم: وعليكم السلام .. حيالله نواري .. شو الدوام اليوم ؟؟
نورة: الحمدالله زين.. امايه انا تعبانه بسير ارقد
أم سالم: انزين تغدي وخلاف سيري تغدي
نورة: لا ما اريد .. خلاف يوم بنش باكل
أم سالم: برايج امايه

وتسير نورة غرفتها.. نورة آخر بنات أم سالم وعمرها 23 سنه .. تخرجت من الكلية وعلى طول اشتغلت.. نورة ما كانت تفكر تعرس لانها ما كانت تتخيل انها فـ يوم من الايام بتبتعد عن امها.. هالموضوع اللي كان يضايج بامها .. لانها ودها تشوف بنتها عروس.

أم سالم تمت يالسه فـ الصاله تتريا باقي عيالها يردون من الدوامات.. بوسالم توفى قبل 5 سنوات ومن يومها صار ولده سالم ريال البيت .. سالم عمره (27 سنه) معرس ماخذ وحده من معارفهم وعنده بنت وحده اسمها شيخه وعمرها سنتين.. وساكن ويا اهله في نفس البيت بس هو عنده ملحق روحه.

أحمد آخر العنقود .. عمره 19 سنه .. يدرس في كلية التقنيا .. دلوع البيت اللي ما ينرد له طلب .. وهو اقرب انسان لنوره .. لانه نوره ما عندها غير أخت وحده ومعرسه من زمان ماخذنها واحد من العين.. فـ ما يشفونها الا بين فترات طويله.





بيت أم عمر

الكل متيمع ع الغدا .. هالوقت الوحيد اللي العايله تكون مجتمعه فيه .. لانه العشا كل حد ياكل في وقت.

بوعمر ريال عود فـ العمر .. وعنده 3 أولاد .. عمر (26 سنه) أكبر عيالهم لين الحينه مب معرس .. رافض فكرة الزواج .. أول ما تخرج مسك حلالهم .. ومن يومها وهو كله مشغول.
سعيد (23 سنه) توه مخلص دراسه واشتغل في شركة ابوه.. سعيد يعرف نوره من 4 سنوات .. بينهم قصة حب غريبه.. وسعيد كان واعدنها انه يخطبها .. بس يتريا أخوه العود يعرس أول.. لانه اهله ما بيرضون..
راشد (19 سنه) يدرس ويا أحمد في الكليه .. وهم ربع من أيام المدرسه .. وهم كانوا سبب فـ علاقة نوره بـ سعيد.

عمر وهو يرمس أبوه: أبويه انا اشوف لو تسافر وتسوي فحص كامل أخير لك من أنك كل يوم وثاني اتشكى وتاخذ ادوية بكيفك
بوعمر: لا ما يحتاي .. انا بخير ما فيه شيء
راشد: ابويه صدقه عمر .. شو رايك نسافر ؟!
ام عمر وهي تكلم راشد: عاد انته موتك وحياتك انك تسافر
عمر: راشد ما بيسافر .. عنده كليه .. سعيد بيوديكم
سعيد كان سرحان من سمع اسمه انتبه: خير
عمر: قلت لو انته تسافر ويا ابويه
سعيد: ليش .. وين يبى يسافر ؟
عمر: لااااااا... اشهد انك مب ويانا .. سعيد نحنا من الصبح يالسين نرمس انه ابويه تعبان ويحتاي يسافر يسوي له فحوصات .. وانا قلت انك انته توديه لانه راشد عنده كليه
سعيد وهو منحرج لانه الكل يطالعه: خلاص .. انشاء الله بوديه
ام عمر: وانا بسير وياكم
سعيد: ماله داعي امايه .. بتتعبين ويانا
ام عمر: لا ما بتعب .. ما تسيرون بدوني .. انا ما اصبر عن ريلي
عمر: خلاص انشاء الله .. اليوم انا برتب لكم السفر

ونشوا كلهم من ع الغدا .. وكل واحد فيهم سار حجرته يرتاح .. راشد كان مغيض انه ما بيقدر يسافر والسبه الكليه .. اما عمر كان مستغرب من حال سعيد اخوه .. وايد شاغل باله هالفتره .. بس يعرف انه سعيد من النوع اللي ما بيرمس .. حتى لو سار وحاول انه يسحب الرمسه منه.
سعيد كان غرقان في بحر من الهم .. مب عارف شو يسوي في موضوع نوره .. نوره كل يوم والثاني تنخطب وهو ما يقدر يسوي شيء .. وخايف انه ايي يوم واهلها يغصبونها انها تعرس.


العصر في بيت ام سالم

نورة من الملل مب عارفه شو تسوي .. سارت ويلست في الحديقه .. تحاول توصل لحل لموضوع سعيد .. هي تحبه .. مب بس تحبه تموت فيه .. ما اتخيل انها تعيش حياتها بدون سعيد.. بس فـ نفس الوقت ما تقدر اتم ترفض .. اهلها كم بيسكتون عنها .. وبالذات اللي خاطبنها الحينه .. مب عارفه شو تسوي في السالفه وكيف تتصرف

شوية وتسمع صوت سيارة داخله حوي بيتهم
كانت سيارة ولد عمها سيف .. سيف عمره ( 25 سنه) وهو وايد ويا سالم ويشتغل وياه في نفس المكان .. سيف بعده ما عرس .. كل ما كانوا يخطبون له وحده يطلع فيها مليون عله .. حتى اهله تعبوا وهو يخطبون له .. لين ما آخر شيء امه قالت له روحك اختار.

سيف نزل من السياره وشاف نوره يالسه في الحديقه .. قرب منها

سيف: السلام عليج
نوره: وعليك السلام .. هلا سيف شحالج ؟؟
سيف: ربي يعافيج .. الحمدالله بخير .. شحالج انتي ؟؟
نوره: الحمدالله زينه
سيف: شو أخبار الدوام .. انشاء الله مرتاحه ؟؟
نوره: الحمدالله اوكيه .. لين الحينه مرتاحه
سيف: الله يوفقج انشاء الله .. الا بتخبرج ما عندكم بنات غاويات في الدوام ؟؟
نوره وهي تضحك: سواف يوز عن سوالفك .. مليون مره قلتلك انا ما بخطب لك .. انته مستحيل تقتنع بـ بنت.
سيف: انزين حرام عليج .. يهون عليج يعني ولد عمج لين الحينه مب معرس .. ما تغمضج امايه لين الحينه ما شافت عيال ولدها الوحيد
نوره: والله عاد هاي مشكلتك .. سير تعالج اول وخلاف تعال قوللنا نخطب لك
سيف: انزين نواري عندي اقتراح
نوره: الله يستر .. قول
سيف: شو رايج اخطبج انتي ؟!
نوره وهي مببقه عيونها: نعــــــــم
سيف وهو يضحك ع شكلها: صدق .. بنت غاويه ومتعلمه وعاقل .. وبنت عمي ..وين بلقى احسن من جي
نوره وهي بعدها منصدمه: سيف انته شو يالس تخربط .. انته تعرف اني اعدك شرات اخويه سالم
سالم وهو ياي من بعيد ويقاطعهم: مرحبا الشيوخ
سيف يصد صوب سالم: مرحبتين .. وينك يا ريال ساعه لين ما تطلع .. والا كنت تتريا تاخذ الاذن
سالم وهو يكفخ سيف ع جتفه: عيب عليك هالرمسه .. انا ريال والرياييل ما ياخذون الاذن من حد
سيف: انزين يالله نسير .. اقول نواري فكري في الموضوع
نوره:..............
سالم وهو يطالعهم: اي موضوع .. شو عندكم ؟؟
سيف وهو يبتسم بخبث: ما شيء .. اسرار
سالم: ايه انته .. شو من الاسرار بينك وبين اختي
سيف وهو يضحك: اسولف وياك ما شيء اسرار .. يوم شفتك تحيرت نزلت من السياره شفت نوره يالسه روحها قلت بسير بغلس بها شويه .. قلتلها شو رايج اخطبج وعاد هي انصدمت وصدقت السالفه.
نوره وهي معصبه: صدق ما تستحي .. حرام عليك طيحت قلبي .. على بالي ترمس جد
سالم: وشو فيها لو كان يرمس جد .. والا انتي اتحرين انج طول عمرج بتمين في بيت هلج
سيف: اقول سالم يالله نسير .. انتوا هاي السالفه ما بتخلصون منها

نوره تمت مضايجه عقب ما راحوا عنها .. لانها تدري انه سالم مضايج من رفضها المتكرر .. بس هي شو بيدها .. هي اسيرة لعواطفها و قلبها.


بيت أم حمد

عايلة حمد .. مكونه من ولد واحد و3 بنات .. حمد وعمره 35 سنه ماخذ بنت خالته وعنده ولدين وبنت.
ميثا (27 سنه) معرسه وعندها ولد واحد .. ماخذنها ولد ربيعة امها ويقربلهم من بعيد.
عاشه(23 سنه) ربيعة نورة روح بالروح .. وتشتغل وياها في نفس المكان .. هم ربع من يوم ما كانوا صغار .. ودرسوا ويا بعض .. واشتغلوا ويا بعض .. وكل طلعاتهمو ويا بعض.
الريم (17 سنه) آخر سنه في المدرسه .. وهي اصغر البنات

عاشه: ريمو قومي عني .. صدعتيني بسوالف المدرسه .. ومعجباتج
ريم: انزين اصبري .. آخر سالفه
عاشه: اقولج سيري بالزين لا اييج شيء
ريم: اففففففففف شو هالاخ .. محد يروم يسولف وياج .. لو نوره جان يلستي تسمعين سوالفها ليل ونهار
عاشه وهي تضحك: نوره غير وانتي غير
ريم: الحينه تبدين نوره عليه ؟!
عاشه: انا ما ابيدها عليج .. بس يا حبيبتي .. انا ونوره ويا ويا بعض .. وتكفيرنا نفس الشيء.. انتي بعدج ياهل
ريم وهي ماده بوزها: كل تقولون لين ياهل .. ما ادري متى بكبر في عينكم
ام حمد وهي داخله الصاله: بتمين ياهل في عينا لو استويتي عيوز
ريم تنش وتسير تلوي على امها: ماماتي حبيبتي تولهت عليج
ام حمد: قومي عيني ياللوتيه .. ما اتين الا اذا عندج شيء
ريم: حرام عليج والله بس تولهت عليج
ام حمد وهي ترمس عاشه: عويش اختج ميثا ما اتصلتبج ؟!
عاشه: لا .. ليش ؟
ام حمد: لا ما شيء بس اتخبر
عاشه: ما ادريبها
وتسير ام حمد وتيلس عند تلفون الصاله وتتصل بميثا تطمن عليها.. وشويه ويرن تلفون عاشه

عاشه: الو
نوره: هلا عواشي
عاشه: اهلين نواري .. شحالج حبيبتي ؟؟
نوره بضيج: الحمدالله
عاشه: شو فيج .. حسج مب عايبني
نوره: ما شيء .. سالم وسوالفه اللي ما تخلص
عاشه فهمت السالفه: نوره لا تلومينه .. انتي رفضج مب مقنع
نوره: اقولج انا متصل اسولف وياج لا تضيجين بي زياده
عاشه: ع راحتج .. المهم خبريني شو مخططاتج ؟!
نوره: ماشيء .. ليش ؟
عاشه: شو رايج نظهر شويه
نوره: وين انسير ؟؟
عاشه: بس بنتمشى بالسياره وبنرد
نوره: ما ادري .. بشاور امايه
عاشه: خلاص عيل شاوريها وردي عليه خبر
نوره: اوكي حبيبتي .. يالله باي
عاشه: باي
تسير نوره وتشاور امها وتقولها برايها تسير بس ما تتحير عشان ما يعصب سالم

نوره تزخ تلفونها وتتصل ب سعيد .. بس تم يرن ومحد رد عليها .. كتبت لها مسج انها بتظهر ويا عاشه.
وسارت وتلبست وهي يايه بتظهر من الحجره يرن تلفونها .. وترد عليه
نوره: الو
سعيد: هلا حبيبتي
نوره: اهلين .. وين كنت ؟؟
سعيد: اسمحيلي كنت راقد
نوره: امممممم .. انزين وصلك المسج
سيعد: هيه.. وين بتسيرين ؟
نوره: ما ادري بس بنتمشى .. ابغي اغير جو
سعيد: حد مضايج بج ؟
نوره: لا .. ليش ؟
سعيد: نواري انا اعرفج عدل .. انتي ما تظهرين بس جي الا اذا حد مضايج بج
نوره: لا ما فيه شيء .. بس ملانه
سعيد: خلاص برايج حبيبتي بس لا تتحيرين .. بتوله عليج
نوره: انشاء الله .. مع السلامه
سعيد: مع السلامه

تسكر عنه نوره وتظهر من البيت لانه ربيعتها تترياها برع .. اما سعيد يتم يفكر في نوره .. من فتره وهي متغيره عليه ما ترمسه شرات اول .. يحس بجفا من صوبها .. صابر عليها لانه يدريبها اهلها واايد ضاغطين عليها بسالفه العرس.

حياتي فوضه

مبااااااااااركن عيدكم .. وكل سنه وكل عام وانتوا بألف خير

.

.

أنا أدري اني مقصره واااااااااااايد

.

بس مرات الانسان الضروف تكون أقوى منه

.

تولهت على مدونتي الصغيره .. تولهت على كل زوارها

.

يوم أدخل مدونتي واتصفحها .. استرد وايد من لحظات حياتي اللي فعلا افتقدها الحينه

.

الدنيا وايد اشتغلتي .. واخاف الا انا اختفي في زوبعة الدنيا

.

أحس اني ضايعه .. وايد قرارات يالسه أأجلها .. أتخذ قرار واتراجع عنه

.

احسن اني ضايعه .. حتى قراراتي صارت صعبه عليه

.

صرت ما اعرف انا شو ابغي بالضبط

.

حياتي بكبرها فوضه

.

احتاج من يرتبها لي

.

يبسط لي الامور كلها

.

يعيد ترتيبها

.

احسن انه وايد قرارات خذتها قبل واستعيلت فيها

.

صعب اتراجع الحينه

.

لازم افكر بطريقه اطلع من اللي دخلت عمري فيه

.

بس ما اطلع خسرانه

.

مستحيل ارضى بالخساره

.

يسد اللي خسرته من عمري

هـــي 1

تلفت
تبحث بعيناها
علها تجد من يراقبها
تتقدم ببطئ
لتمضي في طريقها
لكنها سرعان ما ترجع لتلتفت
باحثتا عن شيء
لا تعلم ما الذي تبحث عنه
ترتعش يداها لـ نسمة هواء باردة
تاخذها الى عالم مجهول
لـ أفكار نرجسية
تخونها دمعة
تسقط من عينها
يكاد ان يجن جنونها
تصرخ من اعماق قلبها
الوحدة تكاد ان تقتلها
رغم وجود الجميع حولها
لا يكفيها وجودهم
ينقصها شيئا
تفتقد شعور
تحاول جاهده ان تغوص في اعماق ذاتها
علها تلبي رغبات ذاتها
لكنها عاجزه
بات كل شيء مستحيل
تبحث عن الجديد
لكنها لا تعلم اين تجده

ليس وداعا .. بل إلى لقاء آخر

I'm really sorry to say that .. but i'm gonna stop writing .. i think i already did that
.
ما أحس انه عندي وقتي ادخل البلوق .. المشكله مب في المدونه
.
المشكله انا ما عندي وقت ادخل النت بالمره
.
جدولي من 6 الصبح لين 10 المسا فل
.
.
بس حبيت اطمن الكل .. انه الوالده الحمدالله بخير .. ونحنا ردينا البلاد من زمان
.
اصلا نحنا ما تمينا غير اسبوعين هناك
.
.
.
لـــــكل النـــــاس اللي احبها
.
شكرا على كل وقفه وقفتوها ويايه
.
شكرا على دعمكم المعنوي لي
.
شكرا لتواصلكم ويايه
.
شكرا لكل حرف دون على مدونتي
.
صدقوني يحز في قلبي اني اوقف الكتابه
.
انا ما اتخذت القرار الا عقب ما فكرت فيه عدل
.
سامحوني ان في يوم من الايام ضايجت بحد او كدرت بحد
.
وانشاء الله بحاول اني اكون على تواصل على طريق مدوناتكم
.
واذا لقيت وقت في يوم من الايام بمر على مدونتي
.
اتمنى السعاده والتوفيق للجميع

i'm in Singapore

hi every body

I did'nt have time before i left duai

and i don't have internet here in singapre

every where i stay they have wireless internet and i don't know what's wronge in my laptope

i really miss my countery

i miss my home

my room .. my littel staf on my table

and also i really miss my care .. and i miss driving

ahnh methala kela tekasi :(

7ata Computer ma yekteb 3erbi :(

wala 3andhom akal methal awadem

i raelly want to cry .. it's really hard to live in singapre again

but i hope the Dr say that e can go back next week

أول يوم دوام

12/02/2006

.

كان يوم مميز في حياتي .. حققت أحد أحلامي .. رسمت خطه وحطيت هدف

.

وعشان اوصل لهدفي .. يطلب مني اني وايد اتعب واضحي

.

وكنت مستعده لكل شيء .. ومستعده اتحمل

.

بس الكل كان ضدي .. والكل كان يقولي ما بتقدرين .. وانتي دلوعه ومن اول اسبوع بتقولي خلاص انا تعبت وما اريد هالشيء

.

.

اللي صار في هالتاريخ .. انه تم تعييني رسمي في أحدى المؤسسات الحكوميه عندنا في دبي

.

الكل كان ضد فكرة اني اشتغل .. وانا في نفس الوقت يالسه ادرس

.

انا كنت مصره على رايي .. لاني ضيعت سنتين من عمري ما درست فيهن

.

عشان اعوض هالسنتين .. لازم اكافح

.

صح فكرة شغل الصبح ودوام المسا في الكليه كانت تخوفني

.

وكنت فعلا اخاف اكون مثل ما يقولون دلوعه ومن اول اسبوع اقدم استقالتي

.

.

بس اللي صار شيء ثاني .. حسيت بـ متعه عمري ما حسيت بها

.

احس انه وقتي يالس ينقضي في اشياء مفيده .. و واااااايد عايبني هالشيء

.

ما أحس بالملل اللي كنت دايما اتذمر منه

.

وما احس بذاك الزود من التعب

.

.

كانت خطوتي الاولى للهدف اني ابدا دراسه .. والحمدالله انا بديت من بداية السنه وعلاماتي واااااايد حلوه

.

والخطوه الثانيه اللي الكل كان ضدها اني اشتغل

.

والحمدالله اشتغلت .. وانا مستانسه في شغلي .. مع اني فـ فترة تدريب حاليا

.

بقت خطوات .. يبالها وقت وسنين تمضي

.

وانشاء الله بكون وصلت لـ هدفي

.

.

.

.

شكرا لكل اللي تمنى لي التوفيق ودعالي في ذاك اليوم