سبحان الله دايما البداية تكون صعبه للأنسان .. بس من ما يتعود يحس عمره محترف في هالشيء
نفس الشعور اللي أحسبه الحينه .. ما أعرف كيف أبدا أو من وين
بس واثقه بما أني بديت فـ انشاء الله بكمل اللي بديته
اللي في عمري يمكن متعود أنه يكتب مفكراته في دفتر اللي دايما يحتفظ فيه حذال سريره .. فـ مكان محد يقدر يوصل له
أكيد بكون أنا وحده من هالناس .. فـ كلنا نمر بمواقف وأكيد نحب أنه نحتفظ فيها أو أنه نقولها لـ حد .. بس في أشياء مهما حاولنا ما نقدر نقولها
فـ أسهل طريقة لنا تكون الكتابة .. تقدر تعبر وتقول كل اللي فـ خاطرك بدون لا حد يحاسبك على أي كلمة أنكتبت
2 comments:
بداية جميلة لكن تذكري ياملاك دبي أن الله يحاسبك ع ماتكتبين
راقبي الله دائماً...
واحفظي الله يحفظك
دمت بخير.
أشكرك ع مرورك بصفحتي
أنا ما قصدت شيء يوم قلت بدون محد يحاسبك على اللي تكتبه .. كنت أقصد أنه الأنسان يقدر يعبر ويقول اللي فـ خاطره
لأنه دايما التعبير بالكتابة أسهل من أنك تقول الرمسه
والمفروض أنه كل إنسان يراقب نفسه لأنه الله فوق ويالس يراقبه
مستحيل أني أغفل عن هالشيء
ع العموم .. مشكور ع النصيحة
Post a Comment