Thursday, August 25, 2005

راده البلاد انشاء الله



السلام عليكم ..

بـ اختصار .. طلعت نتايج امايه والحمدالله كانت زينه والدكتور رخصنا لـ 3 شهور وعقبها عندنا مراجعه


وانشاء الله عقب 4 ساعات طيارتنا .. ورادين الامارات


صدق شعور ما اقدر اوصفه .. بس اقل شيء اقدر اقوله .. اني طاااااايره من الوناسه

وأخيرا برد لج يا دبــــي


لنا لقاء انشاء الله عقب ما ارد الامارات .. بـ بلوق يديد



اسمعوا الغنيه




17 comments:

malak dubai said...

adrey any faygh ad5al alnet mn al airport bus sho aswey al6yara batet2a5ar 20 min

qelt ad5al alblog

yals'h akteb lukum ow ana ashof al6yara

ma adrey lish a7s anh alwaqet ma ymer

bagi 30 min 3ala maw3ed aleqla3

qalm-jaf said...

ألف ألف ألف مبرووووووووووووووك

والحمدالله على السلامه
انتى والوالده

(:
الصوت الجريح اختيار رائع

اذا سمعت الاغنيه خارج الكويت تخنقنى العبره


شكلج من الفرحه حبيتى الدكتور على راسه
واخذتى الممرضات بالحضن
(:

الحمدالله على كل حال
مبروك مره اخرى
(:

Dr Hassan Dawood said...

الحمدلله على سلامة الوالدة.. أكيد وصلتوا دبي أحينه.. الحمدلله ع السلامة
:)

esTeKaNa said...

الف الف الحمدلله على سلامه الوالده
وخطاها السو انشاء اللله
والله فرحت لج من كل قلبي يا الغاليه
وعسى الوالده ما تشوف شر
:)
اكيد كلج وله لدبي؟
ما تنلامين واللله
مقدما حمدللله على سلامتج وبتنور دبي بردتج وقرت عيون كل اهلج فيج
بس اهم شرط:لا تقاطعينا
ترا بعدين مااحبج:)

Anonymous said...

إن شاءالله تكونين دايما طايره من الوناسه
والله يطمنكم عالوالده يارب
أنا طرت من الوناسه بهالخبر الحلو
إختج العوده
قرموشه

ii said...

الحمدلله على سلامتك
لا تتركين مكان بدي ما تروحين له عشان تعوضين

malak dubai said...

أول شيء أنا آسفه .. ادري اني قطعت فتره

صدق من زود فرحتي بردتي البلاد ينيت

وحتى النت ما قمت ادخله وايد .. يمكن لاني بعدني يالسه احاول ارتب وقتي



قلم جاف

الله يسلمك اخويه من كل شر .. وصدقك والله حتى انا يوم كنت اسمع الغنيه
وانا في سنغافوره كنت احس بقلبي يتقطع

بس يالله الحمدالله هانت .. وردينا لبلادنا


انا ما حبيت الدكتور اللي رخصنا .. لاني بـ اختصار ما احبه ولا ادانيه
وايد صايره مواقف بينا .. واكتشفت انه مب صاحي

بس دكتورها مال العظام اللي سوا لها العمليه اول ما دخلنا عليه
قالي ها بشري .. قلتله رخصونا نرد
من وناسته قام وقف وسلم عليه وعلى امايه
وصدق كان يبين عليه انه مستانس عشانا



= = = = = = = = = = = =

رحال

الله يسلمك .. وصلنا دبي بعد ما انته رحت عنها

= = = = = = = = = = = =


استكانه

تدرين تذكرتج وانا فـ الطياره .. تدرين طياران الامارات حركات
اول ما ركبنا يتنا المظيفه وفـ ايدها دلة وفنيال .. وتصب قهوه للناس

ما ادري ليش الدله ذكرتني في الاستكانه وتذكرتج

الله يسلمج حبيبتي .. واسمحيلي ادري اني مقصره
بس تريوا عليه فتره .. لين ما ارتب وقتي وانشاء الله ما اقطعكم

لاني صدق مستحيل اتخلى عن اروع ناس في حياتي

وصدقيني اني ولهااااااااانه عليكم


= = = = = = = = = = = =

قرموشه

الجميع انشاء الله نكون مستانسين في حياتنا

يالله ردي البلاد عشان نشوفج

ما عليج مني .. ترى وايد ناس يسمعون هالرمسه مني

كله اقولهم يوم برد بنسير وبنتلاقى وبنسولف

ومن ارد .. انسى كل حد

بس صدق صدق .. يبالنا نتشاوف

= = = = = = = = = = = =

نوره

الله يسلمج الغاليه

وتراني ما صدقت خبر .. من ييت شليت عنهم سويج السياره

وكل يوم تلاقيني في بقعه

صدق استويت ما اقر في البيت

Q8Lioness said...

الف الف مبروووك
والله فرحت للوالده من كل قلبي
احساس الغربه والرجوع والله لذيذ ومافي احلى منه وخاصه واني راكبه الطياره ووقت الهبوط وانتي تشوفين مناظر ديرتج
يارب الله يكتبلكم الخير ويشفي الوالده ويحفظها

بسمه said...

ملاك
ولو انها متأخره
الحمدلله على سلامه الوالدة وعلى وصولكم بيتكم وديرتكم الأمارات بخير
الله يجنبكم كل مكروه
باقه ورد لكـِ وللوالده

UaE MaX said...

7mdlah 3asalma wsalmat alwaldah ma tshof shr inshaalh , wanted to say the song is amazing but made me feel like crying !lol thanks anyway :)

نون النساء said...

الحمدالله على سلامة الوالدة

واتردين بالسلامه اختي ان شاء الله

نون النساء said...

حمدالله عالسلامة ملااكنا

وحمدالله على سلامة الواالدة وربي استانست عشانها


ويلا عاد عن الدلع من زمان مو جايفينج

@z3nF said...

الحمدلله على سلامة الوالده
و جعلها دايمه انشاء الله

خبر يفرح صحيح


الله يخليها لك

Anonymous said...

el 7emdella 3alla salamateha :)

Anonymous said...

el 7emdella 3ala Salamteha :)

ii said...

فيلجا:
تعرفين تتكلمين اماراتي بعد!!


ملاك دبي .. وينك!!

kuwaite said...

الحمدلله على سلامتها وقرت عينج اختي