Tuesday, August 16, 2005

الرجل الجينيزي والدجاج الأسود





ذات يوم .. في أحد المراكز التجاريه في سنغافوره .. بالتحديد
في الطابق الارضي ..

ذهب إلى السوبرماركت لـ شراء بعض المستلزمات

أخذت ما أحتاجه .. وميشت متجه نحو قسم المحاسبه

كان يقف أمامي في الطابور رجل جاينيزي .. لم أكترث له ولم أهتم لـ وجوده
لكن وقعت عيناي على العربه التي امامي .. وهي للرجل الجينيزي

رأيت فيها دجاج .. أخذت أتمعن في الدجاج .. باحثتا عن كلمة ( حلال ) عليها .. فذلك سوف يريحني من الذهاب الى مكان يدعى ( teka market ) - - - - ->> ( انشاء الله يوم برد الامارات بكتب لكم عن معاناتي ويا التكه ماركت )


لم أجد تلك الكلمه التي كنت أبحث عنها .. لكني وجدت شيئا آخر ..
رأيت شيئا من شدة تعجبي فتحت عيناي ع الآخر وانا انظر اليه بتعجب .. لكني سمعت صوتا جلعني انتبه للذي افعله .. رفعت نظري

اذ بذاك الجينزي يقول لي .. ما بك تنظرين إليه هكذا
قلت له .. ما هذا

قال لي .. دجاج

قلت له .. لكن لونه أسود

قال لي .. نعم أنه دجاج أسود .. ويستخدم في أكله جينيزيه مشهوره

تعجبت أكثر .. وقلت له .. تأكلون لحم دجاج أسود اللون .. قلتها بكل قرف

قال لي .. ما رأيك أن تجربيها يوما

قلت له .. لا مستحيل .. لا أريد

قال لي .. انها لذيذه جدا

قلت له .. اوه نعم انني أرى ذلك من لونها

سكت عني ذلك الرجل .. لكني رجعت استرق النظر لتلك الدجاجه

لا اعلم .. لم استطع ان اصرف النظر عنها .. انها غريبه جدا


جاء دوري .. وأخذت أغراضي وخرجت من المركز .. إلى مكان انتظار سيارات الاجره

ذهبت إلى طابور الانتظار ..

إذ بذاك الرجل الجينيزي يقف امامي مره أخرى .. تأففت منه لكني حاولت ان لا ارى بـ اتجاهه
حتى لا أعطيه المجال فـ الحديث

لكنه قاطع تفكيري سائلا ..

قال لي .. ما رأيك أن تأتي معي إلى بيتي وسوف اعد لك هذه الدجاجه .. انها لذيذ

تعجبت منه كثيرا .. كيفي يدعوني إلى بيته .. قلت له .. لا شكرا .. لا استطيع

قال لي .. لماذا ؟؟

حاولت التهرب منه ومن أسئلته لكن لا محال .. قلت له انني سـ أذهب للتسوق

قال لي .. حسنا سوف أذهب معكي

قلت له .. لا شكرا

قال لي .. ليس لدي ما أفعله وانا مغادر سنغافوره اليوم .. سوف أذهب للتسوق معك

قلت له وبنظره غضب .. قلت لك لا أريد شكرا

قال لي .. حسنا لا تغضبي

وذهب عني بعدها .. تنهدت بتعب .. وحمدت ربي على انه غادر


= = = = = = = = = = = = = = = = = = =


بـ صراحه موقف أحسد عليه .. هاللي كان قاصر بس .. واحد جينيزي يقولي تعالي ويايه

انا ما كنت بصور الديايه .. بس عرب طريت لهم السالفه قالوا لي مستحيل ما شيء ديايه سوده

قلت لهم اوكيه بصورها لكم .. وتعنيت وسرت السوبرماركت مره ثانيه بس عشان اصورها

واللي يشوفني اصورها يقول جني حراميه .. اصور بالدس

بخليكم ويا صورة الديايه اللي وهقتني في يوم من الايام







اسمحولي ادري اني قطعت فتره .. بس شويه منشغله بـ سالفة الحجوزات .. ومن صوب أحاتي فحوصات أمايه لانها بتحدد اذا نقدر نرد البلاد او لا

لا تنسونا من الدعاء

10 comments:

qalm-jaf said...

الحمدالله على السلامه يالقاطعه
والله اول مره اشوف دجاج اسود مدرى اشفينى تضايقت لمن شفته بس زين تعلمنا شى جديد
اى نوع من الدجاج هذا
(:
اما عن الرجل هذا مو بس يحب الدجاج الاسود حتى قلبه اسود
(:
بس مافهت الجينيزى ؟
يعنى شنو
(:
اما بخصوص الوالده لله يخليها لكم
انا متفائل خير انشالله وراح تكون الفحوصات ميه ميه انشالله
وراح توصلون دبى بالسلامه بعد
بس اكيد راح تشتاقين حق الغربه وسنغفوره
(:
الله يشفى الوالده انشالله
(:

malak_dubai said...

qalm-jaf

الله يسلمك من كل شر ...

والله ما اعرف شو نوع الدياي هذا .. ما عندي اي معلومات .. وما ادري ليش ما سألت عنه ..

اقصد بالجينيزي .. انه من chaina


انا بعد متفائله انه تكون الفحوصات سليمه .. من جذه وايد يالسه احاول اني اطلع الحجز

من ناحية اني راح اشتاق لـ سنغافوره ما اظني .. مستحيل اشتاق لها

اذكر يوم ردينا الامارات لشهرين .. اشتقت لـ شيء واحد بس

المشي .. نحنا فـ سنغافوره معظم مشاويرنا مشي

فـ الامارات ما نقدر نمشي


بس هالمره ما اظني اني بشتاق لـ شيء

لاني صدق اكرهها من كل خاطري

ومستحيل افكر في يوم من الايام اني اسير سنغافوره سياحه

~ se3loah ~ said...

يعععع
استغفر الله وشو هذا

الله يعينك وش كان يبي هذا؟
ياشينهم اذا لزقوا ما احد يفكك منهم الحمدلله والشكر

الله يشفي امك ويرجعكم سالمين غانمين انشاء الله
ولا ترجعون لسنغافورا ابد

@z3nF said...

الحمدلله على النعمه
لكن كيف صارت سودا

الله يطمنك على الوالده
و ترجعون بالسلامه

haneen said...

وع دجاج اسود
لاعت كبدي
طيب شلون هم صابغينه ؟ ولا هو غير دجاجنا ؟ولافاسد؟
اشتغل الفضول
:)
بس صدق الحمدلله على النعمه
الله يردك انتي والوالده بالسلامه وهي بكامل صحتها وعافيتها ان شاء الله
الغربه صعبه الله يكون بعونك

~ se3loah ~ said...

ملاك دبي اسفه لهذاك الموضوع اذا كان ضايقك بس وش اسوي
الموضوع مضايقني انا بعد ولا له دخل بالجنسيه وانا اختك

malak_dubai said...

norah

مسموحه الغاليه ..

خلاص حصل خير ..


اسمحيلي يمكن انا بعد انفعلت في ردي


وعلى طاري ما نرجع لـ سنغافوره .. والله انا ودي انه ما نرجع لها
بس مب بيدي .. يعتمد .. اذا راح نكمل العلاج اهنه لازم نرد كل 3 شهور

يالله انشاء الله خير


= = = = = = = = =

@z3naf

والله عاد كيف صار لونها جذه انا ما ادري
ما اعتقد صبغ .. بس صدق يبالي اسأل كيف صارت جذه



= = = = = = = = =


haneen

حسب اعتقادي .. انه دجاج فاسد
مب الا فاسد .. قولي معفن

عيل وين فـ الدنيا شيء لحك دجاج اسود


خلينا من الدجاج امره هين .. اللي صدق نعاني منه اللحم
ما شيء لحم طعمه عدل .. كله لحم ماليزي ومب حلو

صدق تولهت على العيش واللحم في الامارات

Rain Drop said...

ملاك

:S

يقطع ابليسهم

مقرفين :|

فيه موضوع قريته بالمجلة

العودة إلى عالم الحشرات

بوفيه حشرات وعقارب

وأشيا غريبة

بس أول مرة اشوف دياي أسود

الحمدلله والشكر

والله يعافي أمج ويشفيها ان شاء الله

وتردون لنا بالسلامة

وتنورون الامارات

:)

salma said...

اولا الله يشافي امج انشاء الله ويعافيها ويردكم بالسلامه ...ثاني شيء الدياي الاسود يباله بحث على الانترنت عشان انشوف الديايه الحيه كيف شكلها؟! تراه أول مرة نسمع به؟

Anonymous said...

واااااااع من جد لو يحطو مالالدنيا ما احط هدا الشي بفميييي