Friday, February 17, 2006

أول يوم دوام

12/02/2006
.
كان يوم مميز في حياتي .. حققت أحد أحلامي .. رسمت خطه وحطيت هدف
.
وعشان اوصل لهدفي .. يطلب مني اني وايد اتعب واضحي
.
وكنت مستعده لكل شيء .. ومستعده اتحمل
.
بس الكل كان ضدي .. والكل كان يقولي ما بتقدرين .. وانتي دلوعه ومن اول اسبوع بتقولي خلاص انا تعبت وما اريد هالشيء
.
.
اللي صار في هالتاريخ .. انه تم تعييني رسمي في أحدى المؤسسات الحكوميه عندنا في دبي
.
الكل كان ضد فكرة اني اشتغل .. وانا في نفس الوقت يالسه ادرس
.
انا كنت مصره على رايي .. لاني ضيعت سنتين من عمري ما درست فيهن
.
عشان اعوض هالسنتين .. لازم اكافح
.
صح فكرة شغل الصبح ودوام المسا في الكليه كانت تخوفني
.
وكنت فعلا اخاف اكون مثل ما يقولون دلوعه ومن اول اسبوع اقدم استقالتي
.
.
بس اللي صار شيء ثاني .. حسيت بـ متعه عمري ما حسيت بها
.
احس انه وقتي يالس ينقضي في اشياء مفيده .. و واااااايد عايبني هالشيء
.
ما أحس بالملل اللي كنت دايما اتذمر منه
.
وما احس بذاك الزود من التعب
.
.
كانت خطوتي الاولى للهدف اني ابدا دراسه .. والحمدالله انا بديت من بداية السنه وعلاماتي واااااايد حلوه
.
والخطوه الثانيه اللي الكل كان ضدها اني اشتغل
.
والحمدالله اشتغلت .. وانا مستانسه في شغلي .. مع اني فـ فترة تدريب حاليا
.
بقت خطوات .. يبالها وقت وسنين تمضي
.
وانشاء الله بكون وصلت لـ هدفي
.
.
.
.
شكرا لكل اللي تمنى لي التوفيق ودعالي في ذاك اليوم

8 comments:

Dr Hassan Dawood said...

تلك الكلمات تدل على روح التفاؤل، ومثل مايقولون تفاءلوا بالخير تجدوه.. ملاك، وفقك الله لما يرتضاه لك في الدنيا والآخرة.. دمت سعيدة ومتفائلة دائماً انشالله

:)

Anonymous said...

عزيزتي وغاليتي
من جد وجد ومن زرع حصد

صدقيني الإنسان لما تكون نيته صادقه وهدفه نبيل الله دايما يكون معاه
وأنا أكبر دليل جدامج
ظروفي ماسمحتلي إني أكمل دراستي، لكن إشتغلت ورجعت كملت دراستي وبعد ثمان سنين خلصت دبلوم عالي وبكالريوس وماجستير والحين فالدكتوراة سنة أخيره
كل هذا وأنا أشتغل وأم لبنت عمرها ست سنين ونص

مافي شي إسمه مستحيل
صح فيه تعب وسهر وجهد
لكن كل ماتنتهين من خطوة أو هدف رسمتيه تكون فرحتج شي لا يوصف وتبتدين الخطوة الثانيه وإنتي في قمة النشاط

تمنياتي لك بحياة مليئة بالسعادة والأمل

Anonymous said...

مبروك الوظيفه ملاك دبي

وان شالله تخرجين بسرعه
وتتوفقين بحياتج

انا ماعرفج ومريت مرور بمدونتك و عجبتني

أختك

مدونه قطر

www.qatarblog.com

qalm-jaf said...

هذا تحدى وامتحان حقيقي
.
.
.
بس انت قد المسؤوليه

شد حيلك
ومبروك

الاء سعود المجيبل said...

ما شاء الله عليج عيني عليج باردة...^____*

موفقه حبيبتي خطوات جديه خطيتيها في حياتج استمري ولا تضعفين ...:)

Anonymous said...

That's a great story. Waiting for more. »

Anonymous said...

,, وعلى قولتهم من جد وجد ومن زرع حصد ,,عااشت والله ملاك دبي ,,,هاي انا اعتبرها شجااعه الصرااحه ^_^ ربي يوفقج ويسهل علييج ياارب ,, ممممم للاسف ماشفت موقعج قبل :( رسالتي واايد متأخره ,,, ان شااءلله بعد اانا اتيني الشجااعه وادرس ^_^ حاليا انا اشتغل والحمدالله كل شيء اوكييه ,,,
مع اني مااعرفج وبالصدفه شفت موقعج دعواتي لج بالتوفيق ^_^

Anonymous said...

كلام رائع تسلم يديك