Sunday, December 18, 2005

للصبر حدود


دايما نسمع هالرمسه .. انه للصبر حدود .. بس وين هي حدود الصبر .. وهل فعلا للصبر حدود

والا الحدود هي حدود من نسج خيالنا .. بنيناها بس لارضاء شيئا ما في انفسنا


كل انسان في هالحياه تواجه مشاكل .. بس الذكي اللي يعرف كيف انه يتغلب على مشاكله

ما ادري شو اللي يخليني اقول هالرمسه اليوم .. يمكن بسبة الضروف اللي امر فيها

انا خذت قاعدة في حياتي .. انه ما في شيء مستحيل .. ولكل بداية نهاية

مثل ما بدت المشكله .. بيي يوم وبتنتهي ومحد بيذكرها وبيمحونها من هالوجود .. يمكن تظل لها ذكرى بسيطه

ويمكن تكون ذكرى مؤلمة .. ويمكن الانسان ما يقدر ينسى

المفروض انه ما نوقف عند اي مطبة من مطبات الحياه .. ونقول خلاص نحنا ما نقدر نكمل

المفروض انه نكمل الحياه .. وناخذ مشاكلنا تجارب لنا .. تفيدنا في حياتنا

مرات أحس اني بديت استسلم وخلاص بعلن ضعفي وهزيمتي .. بس عقب اقول لا .. ما دام اني تحملت ها كله لازم اكمل .. ولازم اثبت انه مستحيل شيء يوقف في درب حياتي

وانشاء الله فعلا اكون قدها .. ادعولي انه هالمشكله تعدي على خير

5 comments:

الاء سعود المجيبل said...

موفقه حبيبتي...:)

شدي حيلج .... خلي ارادتج قويه....:) وتوكلي على الله....:)

malak dubai said...

q8tya

مشكوره حبيبتي ع دعمج و وقفتج ويايه

وانا وكلت امري لله .. واللي الله رايدنه بيصير انشاء الله

Rain Drop said...

ملاك

أهلا وسهلا :)
أول شي حياج الله من جديد
فرحانة وايد بردتج

انت قوية..وانا متأكدة انج بإذن الله قادرة على تخطي كل المشاكل..وتوكلي على الله دايماً..الله يوفقج حبيبتي ويسعدج ويساعدج على تخطي كل المشاكل..وتعيشين حياة سعيدة :)

طمنينا عنج الغالية

qalm-jaf said...

ملاك دبي

أكيد ما في مستحيل وانت قويه
مليون مره

المستحيل والصبر حدود اخترعوها الناس اللى ماعندهم عزيمه وقوه
يعنى شماعه من اجل ان يضعون عليها اسباب الفشل

الضعيف هو الشحص الذى يسقط فشله على الاخرين
اسقاطات
اما على المجتمع
او
العادات والتقاليد
او او او او

الله يوفقكم
لاتنسى
مافي مستحيل

تحياتى لكم مع ابتسامة تحدي
(:

malak dubai said...

rain drop

الله يحيج حبيبتي .. وانا بعد فرحانه بوجودج ويايه ..

ع الاقل الحينه احس اني يالسه اسوي شيء انا احبه .. احب البلوق .. احب اني اكتب .. بس الحمدالله اني قدرت ارتب وقتي


انا احاول كثر ما اقدر اني ما افكر في اللي صاير .. بس هالشيء لابد منه

بس احاول كثر ما اقدر اني اتجاهل اي شيء يضايج بي

تسلمين الغاليه على كلماتج


= = = = = = = = = = =

قلم جاف

تدري .. اول مره اكتشفت انه نك نيمك غلط

انته مب قلم جاف .. مستحيل قلم انسان مثلك يجف .. انته دايما كنت قلم يغرقنا بكلماته

تعرف .. الضروف دايما تخلني الانسان يكون اقوى عن قبل

التحدي لازم يكون موجود .. بس بحدود

لازم افكر بعقل قبل لا آخذ كل شيء تحديد وبس

تسلم اخويه على وجودك ويايه