Tuesday, December 06, 2005

أخير قررت أكتب



السلام عليكم

والله أدري اني قاطعه وما فيه خير وما أسأل عن حد ولا أكتب

لا تلوموني يوم قلت الله يسامحها امايه خلتني ادخل الجامعه


صدق افقد وجودكم كلكم في حياتي .. اشتاااااااق للكتابه

مرات يوم افكر اخاف اني افقد القدره عن التعبير والكتابه


حشى مب جامعه هاي جذه مسويه فيه


ع العموم .. انا اليوم قررت ومستحيل اتراجع عن قراري .. اني بنزل قصه قريب انشاء الله

بس يالسه ارتب الافكار .. وانشاء الله الجزء الاول بحطه قريب


بس بما اني دخلت النت اليوم .. فـ بكتب لكم موضوع واااااااااايد عايبني

من كثر ما كان عايبني سويت بحث عنه وقدمته الاسبوع اللي طاف


موضوع البحث كان عن المحادثه .. وكيف ممكن انه نكسب اصدقاء

كل انسان في بداية أي علاقة يكون خايف من عدم تقبل الشخص الآخر له .. المفروض انه ما نخاف ونجرب .. التجربة احسن من انه الانسان يتم في مكانه بدون ما يرمس حد

كيف ممكن انه نقرب الناس لنا .. نقدر نسوي هالشيء عن طريق معرفة شو الاشياء و المواضيع اللي تهم الشخص الآخر والحديث عنها

بهالطريقه نحسسه انه نحنا مهتمين فيه .. فـ يصير الاهتمام مشترك


انا ما بكتب بحثي كله .. انا قلته بـ اختصار

بس بعطيكم خطوات اتبعوها وانشاء الله تنجح وياكم .. انا عن نفسي جربتها ويابت نتيجه

اول شيء اختار الشخص اللي تريد انك تتعرف عليه

حاول انك تعرف معلومات بسيطه عنه

تقرب منه .. قدم نفسك وقدم مجامله

اذا شفتوا اي تجاوب من قبل الشخص الآخر تعمقوا في الحديث أكثر

لين ما تعرفون شو اهتمامات الشخص .. وتكلموا فيها


اهم شيء في اي علاقه .. انه ما يكون فيها اي تصنع واساسها يكون الصراحه


شكلي طولت عليكم .. بـ صراحه ما اعرف بشو يالسه اخربط عليكم


بس صدق واااااااااااايد مشتاقه لكم


صح نسيت .. مبرووووووووك عليكم العيد .. واسمحولي واااااايد متأخره


شكرا لكل اللي سأل عني .. والله ما تعرفون كم يسوى اني ادخل واشوف حد كاتب لي

هذا دليل انكم بعدكم ما نسيتوني

6 comments:

Eduardo Waghorn said...

Greetings from Chile and Salaam to you!! Visit my blogs and make a coment, you are welcome!

qalm-jaf said...

مشكوره يالله ناطرين القصه

اما بالنسبه لكسب الاصدقاء أعتقد
ان لكل شخص مفتاح


سعيد بعودتك
(:

ii said...

اهليييييييين
الحمدلله على السلامه

اكيد مشتاقين لك بعد
بس تكفين كلنا عندنا جامعه
يعني لا تطولين علينا

ومنتظرين القصه
:))

الاء سعود المجيبل said...

السلام عليكم..:)

نصايح حلوه...:)

مشكورة ... وناطرين القصه...:)

وبالنسبة للجامعه قولي الحمد لله باجر صدقيني راح تقولين الحمد لله اني دخلت الجامعه..:)

gmr14 said...

فيه كتاب جدا قيم في هذا الموضوع بعنوان كيف تكسب الاصدقاء وتؤثر في الناس
انا شخصيا استفدت منه كثير من اول كان عندي اصدقاء بالعشرات وبعد ما قريت الكتاب راح نصفهم
:D
امزح..الكتاب مفيد بصراحة اقروه

malak dubai said...

eduardo waghorn

thanks for ur comment


= = = = = = = = = =

قلم جاف

صح كل شخص له اسلوبه في كسب الناس

بس هاي اساليب مسوين عليها دراسات

يعني للي ما يعرف


صدقني انا سعيده بردك ودعمك أكثر


= = = = = = = = = = = =

~ se3loah ~


حبيبتي ادري انه حتى انتوا عندكم جامعه .. بس يمكن انتوا متعودين على انكم تدخلون النت وتدرسون

صح انا مب 24 ساعه اذاكر

بس روتين الجامعه ممل .. وعقب ما ارد ما يكون لي نفس افتح الكمبيوتر .. وفي الويك اند احاول كثر ما اقدر اني اطلع واخفف ضغط الجامعه


ع العموم .. انا عند وعدي ..وانشاء الله بنزل قصه قريب .. بس وايد افكار تدور في راسي مب عارفه بالضبط عن شو اكتب

بس انا متاكده انه في موضوع بيجذبني وايد وبيخليني اكتب عنه

وبحاول انشاء الله اني اخصص وقت كل كمن يوم اني ادخل النت


سعيده بوجودك

= = = = = = = = = = = =

Q8Tya

أكيد بقول الحمدالله اني دخلت الجامعه .. انا دايما اقول الحمدالله

لانه هالشيء لمصلحتي .. بس مرات اضايج يمكن لانه الجامعه خذتني عن وااااايد اشياء احب اني اسويها

بس انشاء الله اقدر اوفق ما بين الاشياء اللي احب اسويها وبين الدراسه


= = = = = = = = = =

gmr14

مار عليه اسم هالكتاب .. اعتقد اني شفته بس ما خذته

بس انشاء الله يوم بفضى بمر باخذه

وااااايد احب اقرا في هالسوالف


مشكوره ع مرورج